單一審美觀（下）

總結一句，
消滅父權之後嘅女性價值為何，
如果畀唔出答案，
咁所有嘅爭論都冇意義。

而路線就有三條，
女性有獨特嘅陰性價值，
女性與男性能力平等之價值，
性別虛無或性別實在嘅爭論。

一日到黑父權紅利、父權審美果啲，

我唔認為利用一個時代嘅制度，
令自己嘅生活變成自由意志所前往嘅方向係一件壞事。
否則，有太多事都係不公義。
(投資股票致富就係利用當代嘅金融制度
但我地卻唔會話投資股票致富不公義)

將父權滅絕之後
性感、可愛、氣質都叫"美"
咁點叫係美?
淘汰舊美 新美出黎後 有所追求美
係咪又叫新嘅XX審美?
仲有追求所謂「父權下嘅審美」難道就真係唔係自主?
就係因為果個時代嘅美 係咁樣
而追求先有意義

而呢啲女權有舉證責任
我就從來冇睇到任何女權人士畀過答案
而歷史嘅脈絡都證明咗
四波女權主義都係呢三種分類而黎

成日用自己生活上經驗嘅仇恨
聚集更多仇恨嘅人
變成一群假理性嘅仇恨體
非友即敵~
唔通追求真理嘅態度係咁?
定係你地根本唔想追求真理?
只係想報復呢五千年黎父權嘅壓榨
咁我可以同你講 你地嘅作為就同之前嘅父權一樣冇分別

單一審美觀？(上）

靚有好多種風格，有成熟、優雅、性感、可愛、活潑同清純...
身材亦唔係非瘦即肥，有骨感、肉地......

講到瘦身，我認為用偽科學恐嚇手段同洗腦嘅方式去灌輸大眾瘦即係靚係好錯，
但我地可以有認為瘦即係靚嘅自由意志選擇。

想變靚變白變黑變肥變瘦完全在於自己嘅選擇，
每個人都有自由去追求成為理想中嘅自己。

而呢啲可能係咁啱同所謂嘅「父權審美」類近，
亦可以話「父權審美」係唔存在。
例如唐代都係父權，但認為肥係靚，咁肥又係父權審美？

所以我認為唔存在所謂嘅父權審美觀，
只有現代審美觀同古代審美。

不可以否認呢啲都係女生們認為嘅靚，
而唔係男人認為，就係大多數人都認同嘅靚，冇性別之分。

女仔係因為自己認為咁樣好靚先會有咁嘅追求，
變到咁都可以唔係為咗取悅異性。
或者，就算係男生中意嘅呢種靚，女生自由選擇，附應呢種靚，係可以，
男人都可以去作出符合女人中意嘅靚去打扮。

審美觀一直變，美係一個文化嘅共識。

我認為美麗有好多種，亦唔會否定美醜嘅存在。
唔覺得唔靚同醜嘅能夠叫做靚。
最多都只會講佢地嘅其他優點，唔會去攻擊人地長相同身體羞辱，互相尊重。
我就係唔覺得欣宜同catgirl靚！係咪唔得？

咁唔靚同醜嘅人，
就唔好賣弄自己嘅外表，
放大其他地方就冇人去理佢靚唔靚，
一係就去追求改變自己嘅外表。

喺任何時代，
維持一定嘅美感，都係吃香啲。

只要有靚，就會有追求，
有追求就會有權利不對等，就係咁。

呢個係我嘅睇法，
我覺得，呢個係有啲價值觀碰撞，
感覺一堆人係唔會接受我嘅諗法。

污名同類化

我只想問一樣野，咁點解大家每次見到「女人都係雞」「臭雞」「港女係咁架啦」「女人唔識渣車」呢啲句子時又咁開心咁去like呢？

冇人會接受到被污名化、被類化，既然男人咁大感受，就請不要對女性做相同嘅事，而且如果你能夠有足夠同理心，你會知道女人所受嘅污名同類化係一堆一堆咁湧埋黎

仲有，冇人會覺得男人都是強姦犯，但9X%嘅強姦犯都是男人，你唔需要覺得自己係強姦犯，但要承認男人更有傾向去強姦人，呢個係文化問題，要用文化方式解決。

一個地方政府有一批人有問題時，唔通冇做到嘅官員講一句「唔係個個都係咁」就會令做過果班人冇責任？
咁啲差佬都唔係全部有殺人 有個PR出黎講句「唔係全部差佬都係有咁做」就可以令果啲有做到嘅免責。

真係冇人覺得全部男人都係強姦犯，既然冇做過清者自清根本唔需要理會指控，冇做過而要為做過嘅人被攻擊只係污名類化嘅受害者，但幫真正嘅罪犯講說話就係有問題。

你地我地都係污名同類化嘅受害者。
果班仇男嘅「女權」完全同我地沾不上邊，但一個二個on99咁去攻擊我地呢個完全冇搞過你地嘅人，咁你地呢個行為同佢地冇分別。

題外話：希望你真係知victim blaming係幾咁傷害性，然後檢視下自己有冇係性暴力事件中對女性講過victim blaming

給反兩性平權的父權女

你唔需要女性主義，你唔係女性主義者，好。
咁你都唔需要喺網上鬧女權主義者，因為冇女權主義你連有冇書讀都成問題，更加唔好話打字啦。
你依加可能採摘緊茶葉，哦，你已經黎月經，可以生細路喇，咁你可能仲喺屋企紥腳湊仔。
仲要係生唔出男仔就要一直生果種。
享受住第一波同第二波女權主義者流血流淚爭取到嘅墮胎權、受教育權、選舉權、同工同酬，甚至你著褲同bikini嘅權利都係女權主義者爭取返黎，你到底笑女權主義啲乜？
你認為女仔都係唔講道理唔識溝通只要氹，咁就說明你潛意識將自己當成咗大腦缺乏思考能力嘅次人類，唔講道理嘅只有你，請你唔好連累其他女手足。
你話你係你老竇老母嘅小公主，咁人地男仔咪又係老竇老母一把屎一把尿咁湊大。
笑女權主義嘅同時，承擔返一啲自己作為有思考能力嘅成年人責任好難？
爭取民主？你嘅民主爭取到喇，你要將選票都投俾壓迫嘅果一方等男人讚你唔食「自助餐」嘅時候，你發現你身為女人連選舉權同被選舉權都冇，呵呵。
最後，三八國際婦女節快樂，我好高興我係個經濟獨立自強嘅新世代女人。

［一單還一單］另一件事佢錯 唔等於條女係啱

個女仔係諗多咗，同處理手法唔成熟。
其實又難怪會咁，因為呢個社會都成日叫女仔「保護自己」 ，
而且香港厹太多啲女仔會防人同諗太多都難免，

只不過私底下傾清楚就好，而唔係冇傾過曖曖昧昧咁就放人上網先，
避免不必要嘅誤會同得罪人。
就咁睇曬啲對話男方其實都好正常冇唔尊重對方，
上屋企又唔等於係果啲嘢，並冇果個意思。

而條女最錯嘅係，
未發生，未審，先判，
而更搞笑嘅係女方話想上對方屋企撚貓，
咁男方有冇意圖我唔敢定斷，
但男方邀請佢上STUDIO，
女方唔願大不了唔上，
但最後公審男方，
個下其實女方好自打嘴巴。🤣

有身材嘅靚女大把，但內涵唔係個個都有，
佢讀到書但內在有待提高，唔係將自身價值建立喺「多男人想上自己」果到。

佢身材係非常好，亦將呢樣嘢視為吸引到異性同其他人欣賞嘅唯一優點
自信同成就建立喺多人j上面 。
所以咪會畀「我唔撚係想食你呀」呢句嘢擊到又在意視為否定自己。

用成為「吸引好多男人嘅性幻想對象」先會有成功感嘅女仔其實幾可悲，
三觀正確有自信內涵嘅女仔唔會care有冇人想同自己交歡。

佢自己定位自己嘅形象係咁，
自然就吸引番呢類人。
冇內涵嘅人，
亦只能吸引冇內涵嘅人欣賞。

男嘅用「上過幾多女人」，
女嘅用「吸引幾多厹」而自豪滿足，
個人修為，智慧都是等閒，
這社會實在瘋狂。

現今網絡世界 假消息 偽科學大行其道 知識分子反會成為被批鬥對象

無知唔係最錯，顛倒是非對錯先係最大問題同罪過。

Kol有一定影響力，但未必係專業同正確嘅意見，而且媒體帶風向嘅力量可以好強大。

對錯可以檢驗，
影響卻可以係十年八年甚至幾百年。

人類都曾經相信地平說幾百年；

不過當時因為地球未被證實係圓嘅。

香港人低能特別多，佢地係會選擇相信冇讀過生物嘅人去講錯誤觀念嘅生物理論，都唔會相信生物學士同博士仲有醫生專業正確嘅意見。

講到女權就係佢地去相信冇讀過性別研究嘅人講女性主義，懶人快餐心態又唔會去睇書fact check同相信性別研究嘅博士。

現在生物學，女性主義都有學問同大量嘅研究報告結果，但啲人卻從來唔會去睇亦只會選擇自己想要相信嘅嘢，內容農場假新聞，偽科學、迷思之類。

學問呢啲嘢現代人唔會聽，只會聽信網紅kol，仲要係嚴重錯誤扭曲事實嘅訊息。

破舊立新唔係建基於歪曲事實。

學習一定要謹慎，接收單一嘅資訊同只會相信自己想去信嘅嘢係同冇獨立思考判斷嘅被洗腦支那人一樣。

人嘅無知，係唔會因為研究而有所改變 ，因為執著自己嘅價值觀，人本身就係咁。